Ginpirmahan it gobyerno it Pilipinas ag Japan ro mga bag-ong loan financing deal para sa North-South Commuter Railway (NSCR) Project ag ro extension kara.
Saksi sa seremonya sanday Finance Secretary Benjamin Diokno ag Japan International Cooperation Agency (JICA) president Akihiko Tanaka.
Suno kay Diokno, ro loan deals hay nagabalor it kapin sa ¥400 bilyon ukon masobra sa P166 bilyon.
Suno pa kana nga ro unang loan para sa NSCR Malolos hasta Tutuban line hay nagabalor it ¥107 billion samtang ro haega it loan nga na-ink para sa NSCR Extension hay ¥270 billion.
Ro 163-kilometrong NSCR Project hay ginabilog it 40-kilometrong linya maghalin Tutuban, Maynila hasta Malolos, Bulacan, ag ro mga extension kara hay: Malolos hasta Clark, Pampanga, ag Maynila hasta Calamba, Laguna.
Ginpahayag dugang pa ni Diokno nga magataas ro economic activity sa tatlong nasambit nga rehiyon ag panigurado nga mas maka-engganyo pa it mga foreign investors.
Gindayaw man nanday Pangueong Ferdinand Marcos Jr. ag Punong Ministro it Japan nga si Fumio Kishida ro pagpirma sa pautang para sa pagpa-umwad it North–South Commuter Railway (NSCR) ag pagpahaba kara.
