SPORTS–Ginkabig nga pinakamadasig nga babayeng manughamapang sa Southeast Asia ro Filipina-American nga si Kayla Richardson matapos masikyar ro gold medal sa 100-meter dash sa nagapadayon nga 31st Southeast Asian Games sa My Dinh National Stadium sa Vietnam.
Ro sprint queen hay naglista it 11.60 seconds sa finals event para pakan-on it tapu-tapu ro mga kontra maghalin sa Singapore nga may 11.62 seconds nga pumwesto sa second place ag ro pangbato it Thailand nga nakalista it 11.66 nga nagtapos sa pangatlo.
Bag-o pa man ro final event sa panglimang puwesto eamang si Richardson sa 12 nga mga runners sa preliminary heats.
Ginapahayag nga umabot man it pitong dag-on si Kyla bag-o uman nga mabawi ro titueo.
Nasayuran nga una eon nga nagtapos si Richardson, 24, sa bronze medal sa sambilog pang event sa Hanoi sa women’s 200-meters.
