KALIBO, Aklan—Nagnaba ro numero it tourist arrival sa Isla it Boracay makaron nga nagtapos eon ro summer vacation.
Suno kay Senior Chief Petty Officer Dominador Salvino, deputy station commander for operations it PCG-Aklan nga nagnaba it kapin sa 25% ro numero it mga turista sa pagsueod it habagat.
Nagapati man imaw nga ro arrivals sa isla hay owa pa nakabalik sa pre-pandemic levels sa atubang it ginhaeugaan nga travel restrictions ag COVID-19 alert levels.
Samtang, gindugang pa ni Salvino nga malipayon sanda bangud nga sa pihak it pagbuhos it mga local tourists ag iba pang international tourists, owa it anuman nga aberya nga natabu sa sea transport ag mga aksidente sa mga water sports activities nga ginaeakutan it mga turista.
Nasayuran nga ro tourist arrival sa isla umpisa Hunyo 1 hasta 15 hay nag abot sa 97,766.
Sa nasambit nga numero, 93,267 ro domestic tourists, 2,060 ro OFWs/OFs ag 2,439 ro mga dumueuong nga turista.
