Nagpamaeabag ro kampo ni Vice President Sara Duterte sa paggamit it AI-generated image it gina-alegar nga P125 million nga cash sa impeachment trial.
Suno sa depensa, bukon it klaru kon baea ro ginpakita nga litrato it AI hay tama ag kon baea nagapakita gid raya kon pila ro P125 milyon nga kwarta.
Gingamit it prosekusyon ro mga litrato nga ginhimo it AI bilang sangka visual guide bangud owa sanda it aktwal nga P125 milyon nga kwarta nga ipakita sa trial.
Ginpakita sa hearing ro pilang mga bundle it P1,000 nga mga papel nga kwarta nga ginasugid nga katumbas sa P125 milyon, kamana man ro mga duffle bag nga ginsudlan it nasambit nga kantidad.
Ginpaathag it prosekusyon nga owa sanda naga-claim nga matuod ro nasambit nga mga litrato. Ro mga AI image hay gingamit eamang sa pagbulig sa witness nga madumduman ag makilaea ro itsura it mga bag ag mga bundle it kwarta nga gina-alegar nga anang nakita.
