-- ADVERTISEMENT --

Nangin matawhay ang sitwasyon sa pangkabilugan sa ika-tatlo nga adlaw it ika-49 nga ASEAN Summit and Related Summits nga ginahiwat sa nasyon suno sa Philippine National Police (PNP).

Suno kay PNP Spokesperson PBGen. Allen Rae Co, kapareho it unang daywang adlaw ro assessment it kapulisan sa seguridad, sa pihak it pilang mga maintok nga kinagamo nga nag-euntad bangud sa tensyon sa tunga it mga raliyista ag kapulisan.

Ginpahayag man ni Co nga owa pa it may na-monitor nga pagpamaeag ro PNP, apang padayon ro andang hugut nga monitoring agud mapasiguro ro seguridad ag katawhay sa mga lugar nga sakop it summit.

Samtang, naga-abot eon sa 225 ro numero it mga raliyista nga gin-aresto it kapulisan, samtang 21 nga iba pa ro gin-rescue sa Liwasang Bonifacio sa Ermita, Manila, ag sa Muntinlupa City umpisa ko Lunes.

Ginpaidaeum man sa inquest proceedings ro mga nadakpan nga mga raliyista may kaangtanan sa mga kaso sa pag-eabag sa Batas Pambansa No. 880 ukon Public Assembly Act of 1985, Alarm and Scandal, Resistance and Disobedience to a Person in Authority, Tumults and Other Disturbances of Public Order, Direct Assault, Ille Assemblies.

-- ADVERTISEMENT --