-- ADVERTISEMENT --
Ginhathat ni Social Welfare Sec. Erwin Tulfo kay Pangueong Ferdinand Marcos Jr. ro anang mga plano sa ginhiwat nga cabinet meeting sa Malacanang may kaangtanan sa ginpatigayon nga Pantawid Pamilyang Pilipino Program (4Ps) it gobyerno.
Suno kay Press Secretary Trixie Cruz Angeles nga sa report ni Tulfo sa Pangueo, ginatantyan kapin sa 1.3 milyong benepisyaryo it 4Ps hay bukon it makabig nga mga kubos.
Katumbas sigon it pagkaboue sa listahan it masobra sang milyong pangaean hay P15 billion nga haega ro bulig pinansiyal sa idaeom it programa ro matipid it gobyerno.
Samtang, bangud kara igapasueod ro mga bag-ong pangaean sa listahan it mga benepisyaryo kasunod it ginpatigayon nga paglimpyo it DSWD list.
