-- ADVERTISEMENT --
Kalibo Aklan ——–Nagapanangison nga gindaea sa Aklan Provincial Hospital ro sangka sang dag-on nga unga matapos madilwahan it mainit nga kape sa sueod it andang panimaeay sa Sitio Tulubhan sa Isla it Boracay.
Napak-is ro panit sa parte tiyan ag dughan ro nasambitang biktima.
Ginasugid nga ginhingabot sigon nga abuton it biktima ro tasa it bag-ong timpla nga kape nga nakatung-tong sa ibabaw it lamesa kung sa siin aksidente imaw kara nga naueaan.
Ginpaidaeom eon man sa X-ray ro biktima ag padayun pang gina-obserbahan sa nasambitang ospital para sa nagakaigo nga pagbueong.
