National ———-Maga-abot eun sa nasyon makarun nga buean ro unang batch it single-shot Sputnik Light vaccine doses.
Suno kay vaccine czar Carlito Galvez Jr., ro 1 million dose it bakuna nga ginbakae it gobyerno hay maga-abot makarun nga buean sa nasyon.
Ginpahayag kara nga ro single-shot vaccine hay para sa mga indibidwal nga napaseawan nga magbalik para sa andang second dose.
Kung madumduman ko Agosto 20, nag-isyu ro Food and Drug Administration (FDA) it emergency use authorization para sa Sputnik Light.
Suno sa Russian Direct Investment Fund (RDIF), ro Sputnik Light hay may unang 79.4 percent efficacy kumpara sa 91.6 percent para sa two-shot Sputnik V.
Samtang makarun nga weekend, pagaeauman man nga makabatun ro nasyon it 190,000 doses it Sputnik V vaccine nga pagagamiton para sa second dose.
Sa makarun hay may una eun nga 58 million nga bakunaro nag-abot sa nasyon umpisa ko Pebrero 28.
