Kalibo Aklan ———–Sambilog ro naninahan sa pagbungguan it RoRo bus ag sangka kotse bandang ala-1:00 kaina it aga-aga sa national highway nga sakop it Brgy. Cabangila, Altavas.
Base sa inisyal nga imbestigasyon it Altavas Municipal Police Station, halin sa Manila ag paagto kunta sa Iloilo ro Roro bus, kat makasub-eang sigon kara ro kotse nga gina-alegar nga naga-ekis-ekis ro anang daeagan ag paagto sa direksyon it Kalibo.
Ginpakamayad sigon it driver nga punduhon ro bus agud nga malikawan ro kotse, apang bumunggo raya sa anang saeakyan.
Bangud sa impact it bungguan, parehong nag angkon it grabeng kahalitan sa prente nga portion it magtimbang nga saeakyan.
Insigida man nga gindaea sa Altavas Hospital ro naninahan nga driver it kotse antes nga ginsaylo sa sangka pribadong ospital.
Matapos nga mapaidaeum sa CT scan hay gin-refer raya sa out patient department .
Ro insidente hay padayun pa nga gina imbestigahan it kapulisan .
