KALIBO, Aklan—Dead on arrival ro sangka 46 anyos nga eaeaki matapos nga maaksidente sa provincial road nga sakop it Brgy. Sta.Cruz, Biga-a Lezo.
Base sa inisyal nga imbestigasyon, takna 11 :10 kabi-e kat makabungguan it biktima nga si Ariel Nicodemos, sangka construction worker ro 20 anyos nga rider nga si Prince cyber Revester.
Suno kay P/staff sgt. Melanie merecidio, imbestigador sa kaso it lezo PNP station nga naghalin sa anang barkada sa banwa it Malinao si revester ag pauli eun kunta sa andang panimaeay sa nasambitan nga lugar.
Ginpahayag dugang nga pag-abot sa barangay pavement maeapit sa tanod outpost kung sa siin under construction ro pihak nga parte it karsada hay nagkasubeang ro daywang ka mga rider ag aksidenteng nagkabungguan.
Inapok ro biktima nga nagapa uli eon kunta sa banwa it malinao nga naging rason it anang hinali nga kamatayon.
Samtang si Revester hay una pa sa gihapon sa emergency room it Aklan provincial hospital para sa nagakaigo nga medikasyon.
Nasayuiran nga ro daywa hay parehong sa impluwensiya it makahueiliong nga ilimnon , owa man it ginabuytan nga drivers license ag helmet.
Nakataeana man nga maga atubang ro pamilya it magtimbang nga parte sa anuman nga settlement nga pagahimuonn.
Ro parehong motorsiklo it daywa hay naka impound sa lezo PNP station.
