Dead on arrival nga gindaea sa Provincial Hospital ro driver it motorsiklo matapos nga aksidenteng mabungguan it kasubeang nga truck kahapon pasado ala-una sa may bahin it Calizo, Balete.
Ginkilaea ro biktima kay Nelito David 66-anyos, samtang ninahan man ro asawa nga angkas kara nga si Elsa David ag kapareho nga tumandok it Brgy. Calinsu , Balete.
Sandig sa imbestigasyon it Balete PNP, nagaguwa nga maghalin sa direksiyon it Iloilo paagto it Kalibo ro truck nga may karga nga mga manok nga ginamanehar ni Rodney Galvez, 25-anyos ag tumandok it Sta. Barbara, Iloilo tag aksidente nga mabungguan ro kasuebeang nga motor matapos nga mag overtake ag magpang-agaw it linya it daeanon.
Sa makaron ginahueat lang du tag-iya it mismong trucking para maga-istorya sa pamilya it biktima.
Samtang,sa paghinakop eon man it Balete PNP ro suspek nga si Galvez ag nagahueat it nagakaigo nga disposisyon nga igapasaka it pamilya it biktima.
