KALIBO, Aklan — Patay ro sangka motorcycle rider matapos nana nga bungguan ro sang tricycle sa ginakumpuni nga karsada sa Brgy. Taba-ao, Banga, Aklan.
Insigidang gindaea sa Aklan Provincial Hospital si Michael Sablaon, 36, residente it Brgy. Cerrudo, Banga, apang gindeklarang dead on arrival bangud sa grabeng nina sa anang ueo.
Nasayuran pa nga owa raya nakasuksok it helmet samtang nga nagabiyahe.
Suno sa driver it tricycle nga si Arnel Relator, 35, it Brgy. Taba-ao, Banga nga madasig ro pagpadaeagan it driver it motorsiklo, kun sa siin, gintinguhaan pa nana nga maglikaw pero bumangga gihapon raya kana ag inapok.
Nasayuran nga halin sa fiesta ro biktima ag magapa-uli eon kunta kat matabu ro aksidente.
Owa man nag-angkon it nina si Relator nga insigidang nagsurender sa pulisya.
Nagapadayun pa ro imbestigasyon it Banga PNP sa insidente.
