Sambilog patay samtang 62 nga iba pa ro gindaea sa ospital bangud sa kontaminadong tubi sa Karnataka Raichur City, India.
Suno sa doktor nga nagtan-aw sa mga pasyente nga si Bhaskar, superintendent it Raichur Institute of Medical Sciences (RIMS), naka-eksperyensya it dehydration nga ginsundan it pagsuka ag diarrhea ro mga pasyente kaibahan eon ro 23 nga unga nga padayun nga nagapamayad.
Bangud kara, nagpahayag it kaakig ag pagkaugot sa mga otoridad ro mga residente bangud sa owa sigon pagpasiguro it suplay it malimpyo nga ilimnon nga tubi.
Mag-euwas kara, owa man ginasolusyonan it District Administration sa lugar ro apela it mga residente sa andang problema sa tubi.
Gin-aku man it mga lokal ro hitabo ag ginpahayag nga ro nainm nga tubi it mga biktima hay halin sa Rampuru Reservoir.
