Nagaguwa nga sambilog sa ap-at nga Pinoy adults ro personal nga naka-eksperyensiya it “cheating” ukon pagloko sa andang mga partner, suno sa survey it Social Weather Stations.
Sa kabilugan nga datos, 11% ro naka-eksperyensiya it pisikal nga pagloko kapareho it sekswal ag kapareho nga mga bueuhaton ag 11% man ro naka-eksperyensiya it emosyonal nga pagloko kapareho it pag-angkon it romantiko nga mga baeatyagon sa iba nga tawo mag-eowas sa andang mga partners.
Mag-eowas kara, gintumod man sa nasambit nga survey ro iba pa nga klase it pagpangloko kapareho it cyber cheating, object cheating, financial cheating, micro-cheating, ag combined cheating.
Sa pihak nga parte, 43% it mga naka-eksperyensiya it cheating ro nagapati nga ro pagsalig sa relasyon hay pwede pa nga maibalik.
Ro survey hay ginpatigayon umpisa Nobyembre 24 hasta 30, 2025 pinaagi sa face-to-face nga mga interview sa 1,200 nga mga adults nga respondents sa bilog nga nasyon.
