KALIBO, Aklan—Kapin sa 10 katawo ro namatay samtang may iba pang naninahan matapos masunod ro sangka ospital nga nagabueong sa mga pasyenteng may COVID-19 sa Romania.
Una kara, nag-umpisa ro kaeayo sa intensive care unit it natungdan nga pampublikong ospital sa siyudad it Piatra Neamt.
Ginasugid nga sa kritikal nga kondisyon ro sangka doktor matapos mag-angkon it grabeng paso sa eawas kat anang ginahana nga euwason ro mga pasyente.
Suno kay Romanian Health Minister Nelu Tataru, posibleng short circuit ro ginhalinan it sunog.
Gindaea eon man sigon ro iba pang COVID-19 patients sa ibang pasilidad sa syudad it Iasi.
Samtang ro ninahan nga doktor hay gindaea man sa kabisera it nasyon nga Bucharest.
Sa pinakaulihing datus, kapin sa 350,000 eon ro mga kaso it coronavirus sa Romania kung siin 8,813 ro nailistang namatay.
