Napueong ka eapsag ro namatay matapos masunog ro neonatal ward it sangka ospital sa Jhansi district, Uttar Pradesh, India ko Biyernes it gabie.
Base sa report, nagtuga it kinagamo ag kahadlok ro sunog nga nagtueod sa mga ginikanan nga samaron ro mga bintana it ward agud maabot ro andang mga onga.
sa pihak it andang pagtinguha, 44 nga eapsag ro naeowas it mga staff it ospital apang 16 ro una sa kritikal nga kondisyon.
Tatlo sa mga eapsag nga namatay hay uwa pa makilaea rason para sa pagkalito it pilang ginikanan sa kahimtangan it andang mga onga.
Ro nasambit nga sunog sa Maharani Laxmi Bai Medical College Hospital hay ginapahayag bangud sa electrical fault.
Samtang, nagpaabot it simpatiya si Indian Prime Minister Narendra Modi sa ginikanan ag iba pang himata it mga biktima.
