KALIBO, Aklan — Kadungan it ginlunsar nga kampanya nga “bawal ang pasaway sa Boracay”, ginpasarado it lokal nga gobyerno it Malay ro napueong establisimento ag sangka estasyon it radyo sa isla bangud sa kawad-an it nagakaigong permiso sa gobyerno.
Base sa ginpaguwang closure order ni Malay Mayor Frolibar Bautista, ginpasarado ro Radyo Boracay/Radyo Birada, 7-J Martin Jewelry Maker and Repair, JB Salon, Souvenir Shop (Asralla Casan), A-Kon Laundry Strategy and Marketing Consultancy, Inc., Tourist Inn and One Big Wash, Fed’s Pizza House, C and F Cuisine, Aww Meow and More Animal Center, Sacapa no Place, dating Paupatri ag Acevedo Panol Optical, Inc.
Ginpasarado ro mga raya bangud sa kawad-an it business/mayor’s permit to operate ag uwa pagbayad it mga nagakaigong buwis.
Uman nga ginpadumdom ni Mayor Bautista ro mga negosyante ag residente sa Boracay nga sundon ro mga ginapatuman nga laye ag sueondanan gobyerno agud makumpleto ro ginapatigayon nga rehabilitasyon it isla.
10 establisimento ag sangka estasyon it radyo sa Boracay, ginpasarado it LGU
-- ADVERTISEMENT --
