KALIBO, Aklan—Ginkumpirma ni Dra. Athena Magdamit it Municipal Health Office sa banwa it Lezo nga puro tanan negatibo ro resulta it Swab test it 10 ka mga indibidwal nga ginakabig nga high risk contacts it sangka repatriated OFW maghalin sa bawna it Lezo.
Suno kay Dra. Athena Magdamit nga nag-negatibo eun ro mga raya sa ginpatigayon nga RT-PCR test kaibahan ro nanay ag tatay it pasyente nga parehong senior citizen.
Apang ginlaygayan man sigon ro mga raya nga maskin negatibo eun sa swab test hay kinahangean pa sa gihapon nga tapuson ro 14 days home quarantine nga magatapos sa Hunyo 21.
Raya hay bilang pagsunod sa ginapatuman nga quarantine protocol agud malikawan ro pagkalhit pa it coronavirus infectious disease ukon covid-19 pandemic.
Samtang, nagpangayo man it kooperasyon si Dra. Magdamit sa tanan nga mga pomoueyo sa banwa it Lezo.
Suno kana nga kunta magserbi eun rayang leksyon para sa tanan.
Magbueoligan agud nga indi eun mauman pa ro natabo bangud nagdaea raya it mabahoe nga problema bukon eamang sa mga na-close contact it pasyente kungdi pati man sa Local Government Unit ukon LGU sa nasambitan nga banwa.
