May nagkaeain-eain nga klase it sakit nga thyroid.
Apang ro daywang major problems sa thyroid hay hyperthyroidism ag hypothyroidism.
Ro mga senyales nga ikaw hay may hyperthyroidism hay madasig ro pitik it tagipusuon.
Buot hambaeon nga ikaw hay naga palpitate.
Ikaywa , sobra ka nga ginahueasan maskin nga owa man masyadong nagahueag ukon bukon it masyadong mainit.
Ikatlo hay madasig ro digestion , sa sobrang dasig it digestion, nakakaangkon it diarrhea ukon pirmeng nagahigku sa sang adlaw.
Pirme ka nga ginakoebaan ukon kaeabanan nga iritabli maskin nga owa it trigger.
Nakakaangkon it hand tremors ukon nagakurog ro mga alima.
Madasig nga magutom, madasig nga nababawasan ro timbang ukon madasig nga nadudugangan ro timbang.
Majority sa mga may hyperthyroidism hay nagabawas it timbang apang 10% hay nadudugangan ro timbang.
Mag-eowas kara, nagapa-upaw ukon naganipis ro buhok kamana man nga indi makatueog it hamuok.
Nakakaangkon it insomnia bangud nga overactive ro hormones.
Sensitive man sa init ag indi maka tolerate sa mainit nga paniempo.
Kon mapabay-an, sambilog sa mga komplikasyon nga posibleng maexperiensiyahan hay thyroid storm ukon thyrotoxic crisis .
