Kalibo Aklan———Nagaabot eon sa 10,065,414 doses it COVID-19 vaccines ro naipanupod it gobyerno sa mga pumueoyo haeos ap-at nga buean matapos umpisahan ro ‘vaccination program’ ko Marso 1.
Sa nasambit nga numero, kapin sa 7,538,128 ro nakabaton it unang doses.
Kapin sa 2,527,286 man ro nakakumpleto eon it ikaywang dose ag mga ‘fully-vaccinated’ eon kontra sa virus.
Base sa COVID-19 vaccination bulletin, kapin sa 1.13 milyong healthworkers eon ro fully-vaccinated; 672,602 senior citizens; 710,846 persons with comorbidities; ag 12,340 economic frontliners.
Ko nagtaliwan nga dominggo halin ko Hunyo 21 hasta it Hunyo 27, nailista ro 236,867 doses it daily average nga naibakuna.
Mas mataas raya kumpara sa ginsundang dominggo nga may daily average nga 208,809 doses.
Ginaeauman nga maabot ro target nga 70 milyong mabakunahan pag-abot pa it Disyembre 2022.
