KALIBO, Aklan — Napueo nga tricycle ro naka-impound sa Kalibo Police Station matapos nga maging target it ginpatigayon nga anti colorum operations sa banwa it Kalibo umpisa ko Huwebes nga adlaw .
Suno kay P/Staff Sgt. Joseph Caban, hepe it traffic division it Kalibo PNP nga ginaparahan nanda ro mga ginadudahan nga tricycle ag gina-usuyan it sticker ag iba pang nagakaigo nga dokumento bilang pruweba nga ro anang ginapasada nga tricycle hay bukon it colorum .
Kapin sa P2,500 sigon ro penalidad sa mga madakpan nga colorum nga tricycle.
Ginpasiguro man nana nga bangud nga natapos eon ro eleksyon, magadere-deretso ro andang operasyon kontra colorum bilang pagsunod sa nakabaehag sa traffic ordinance .
Mag-eowas sa mga colorum nga tricycle, arogante nga driver ag nagasukot it overcharging, hay ginatutukan man nanda ro mga motorista nga owa nagasuksok it helmet, sa impluwensiya it aeak, kaskasero ag iba pa bilang kaparte it hugut nga pagpatuman it road safety project it PNP .
Samtang, plano man it Kalibo PNP nga magpatigayon it road safety seminar sa mga barangay ag eskwelahan.
