-- ADVERTISEMENT --
KALIBO, Aklan —Napueong pasahero kaibahan ro pilang bakasyunista paadto it Boracay ro naninahan matapos nga bumaliskad ro andang ginasakyang pampasaherong van sa national highway nga sakop it Barangay Ondoy, Ibajay, Aklan.
Suno kay SPO1 Ramon Sandig it Ibajay Police Station nga nag-overtake ro driver nga si Mark Fulgencio, 31, residente it Barangay Pudiot, Tangalan, Aklan sa sangka tricycle.
Bangud sa madanlog nga karsada hay nagtiyog it daywang beses ro saeakyan antes nga nagbaliskad.
Nasayuran nga halin sa Kalibo ro van ag padueong it Barangay Caticlan, Malay kat matabo ro insidente.
Gindaea it mga nagtabang sa Aklan Provincial Hospital ro mga pasaherong puro nakaangkon it nina nga insigida man nga nakaguwa sa hospital.
-- ADVERTISEMENT --
