KALIBO, Aklan–Patay ro napueong indibidwal samtang ninahan ro tatlong iba pa matapos ro natabo nga pagpamaril sa sueod it supermarket sa Buffalo, New York.
Ro suspek hay sangka 18-anyos nga eaeaki kung siin nakasuksok raya it military-type gear ag body armor samtang bitbit ro rifle.
Suno kay Bombo International Correspondent Greg Aguilar it California, USA nga kaeabanan sa mga biktima hay African-American citizen.
Ap-at sa mga namatay hay empleyado it establisysmento kaibahan ro segurity guard nga sangka retiradong pulis.
Nag-umpisa ro pagpamaril sa parking lot pasado alas-2:30 it hapon.
Naga-isaeahanon eamang sigon ro suspek nga nag-abot sa Buffalo.
Sa makaron hay gina-imbestigahan eon it pulisya bilang sangka “hate crime” ag act of “racially motivated violent extremism” ro insidente.
Samtang, ginreport man it Philippine Consulate General sa Amerika nga owa it mga Pilipino nga nadaeahig sa panibag-ong mass shooting.
