Kalibo Aklan ——-Sangka lolo sa Illinois ro naghandum nga makilaea halin sa Guinness World Records bilang pinakamagueang nga scuba diver rason nga nag-eunip sa idaeum it sangka lawa agud nga iselebrar ro anang ika-100 nga kaadlawan.
Suksok ro scuba diving gear hay gin-eunip ni Bill Lambert ro kaidaeuman it Pearl Lake it 27 minuto, daywang adlaw matapos nga mag-abot ro anang ika-100 nga kaadlawan.
Ro presenteng may buyot it record makaron bilang pinakamagueang nga scuba diver hay ro Briton nga si Wallace Raymond Woolley, nga nag-scuba diving ko 2019 sa edad nga 96 anyos ag 3 adlaw.
Suno kay Lambert, mabuhay eon sigon nana nga naeampasan ro nasambit nga record kat nag-scuba diving imaw sa Mexico kat imaw hay 98 anyos pa eamang, apang owa ma raya naisumite agud nga opisyal nga kilaeahon it Guinness.
Nagaeaum si Lambert nga maeampasan pa nana ro bag-ong record pinaagi sa pag-eunip it uman kon imaw hay 101 anyos eon sa masunod nga dag-on.
