Gintaw-an it almost perfect score ni Aklan first district board member Nemesio Neron ro 100 days accomplishment report ni Aklan Governor Joen Miraflores nga ginpatigayon sa session hall it Sangguniang Panlalawigan.
Suno kana, haeos tanan nga ginhathat it gobernador hay may mihura sa sueod it sang gatos diyas nana nga pagpungko sa pwesto.
Partikular sigon nga ginmitlang it opisyal ro pagpabaskog sa turismo kon siin ginatinguhaan it probinsya nga mas pang maipromote ro tourist spot sa Aklan para mapasanyog ro sektor it turismo.
Mag-eowas kara, ro commitment it gobernador sa agrikultura, health and social services ag infrastructure eabi eon ro nagapadayon nga mga construction it farm to market road para mas madali para sa mga mangunguma nga matransport ro andang produkto sa merkado.
Ginpahayag dugang ni Neron nga uwa nagkasaea ro mga Akeanon sa pagpili kay governor Miraflores sa pagbutang kana nga maging leader it probinsya kon siin ginaeauman nga maabo pang bagay ro pwede nga maobra it opisyal para sa ikaumwad it tanan nga sektor nga mapasanyog pa gid ro ekonomiya ag bilog nga probinsya it Aklan.
