KALIBO, Aklan—Gintalakay sa committee hearing it Sangguniang Panlalawigan it Aklan it mga natungdan nga komitiba ro ginaduso makaron nga ordinansa it lokal nga gobyerno it Malay angot sa mandatory tree planting annually.
Suno kay Aklan second district board member Jay Tejada, ro Ordinance No. 469 series of 2022 hay nagabaeay it mga programa angot sa 100 tourist, 100 trees nga dapat itanom sa sueod it sang dag-on.
Raya hay sangka mandatory ordinance para sa mga lihitimo nga establisyimento sa isla it Boracay.
Ginpaathag ni Tejada nga kon umabot it sang gatos ro andang ma-cater nga turista base sa andang listahan hay required ro mga raya nga magbalik it sang gatos ka punong kahoy nga itanom nga igamonitor man it MENRO ag Malay Tourism Office kon siin sanda man ro maga-validate ag maga-certify kon minatuod nga nakatanom ro tag-iya it nasambit nga establisyimento.
Gin-insister dugang nga ro certification hay pagagamiton para sa renewal it andang mga business permit.
Ro nasambit nga programa hay para sa re-greening ag ma-maintain ro environment.
