KALIBO, AKLAN — Nag-arangkada eon ro 11-day nautical highway expedition it mga myembro it Committee on Transportation it Kongreso.
Suno kay Cong. Carlito Marquez it Aklan, katuyuan it 17 myembro kara kaeakip eon si House Speaker Pantaleon Alvarez ag Majority Floor Leader Cong. Rodolfo Fariñas nga inspeksyunon ro kondisyon it nautical highway partikular eon ro mga pier sa nasyon.
Sakay it roro vessel naglibot ro mga kongresista agud masayuran ro kondisyon it seaports kasunod it mga nabaton nga reklamo.
Ro Isla it Boracay ro unang gin-adtunan it mga raya.
Ro masunod nga paga-adtunan nanda hay ro Iloilo, Bacolod ag ibang parte sa Mindanao.
Katuyuan it expedition nga personal nga mausisa para sa pagta-o it dugang nga pondo engkasong nagakinahang-ean pa it improvement ro mga seaports sa nasyon.
