Sueod sa finals it nagkaeain-eain nga kategorya it 2026 KBP Golden Dove Awards ro 11 nga entries it Bombo Radyo Philippines.
Kaibahan kara ro Bombo Radyo Iloilo para sa Best AM Radio Station – Provincial, Star FM Manila para sa Best FM Radio Station – Metro Manila, ag Star FM Bacolod para sa Best FM Radio Station – Provincial.
Sueod man sa Best Newscast – Metro Manila ro Bombo Network News, samtang ro Bombo Radyo CDO ag Bombo Radyo Iloilo hay kaparehong finalist sa Best Newscast – Provincial.
Kaibahan man sa mga finalist ro Bombo Radyo Cebu para sa Best Special Program, Bombo Radyo Koronadal para sa Best Sports Program, Star FM Baguio para sa Best Public Service Announcement, ag Bombo Radyo Roxas ag Star FM Baguio para sa Best Radio Station Promotional Material.
Mataeopangdan nga may mga kategoryang mag-engkwentro ro mga istasyon it Bombo Radyo ag Star FM, partikular sa Best Newscast – Provincial, kon sa siin maga-engkwentro ro Bombo Radyo Cagayan De Oro ag Bombo Radyo Iloilo ag sa Best Radio Station Promotional Material, kon sa siin maga-engkwentro man ro Bombo Radyo Roxas ag Star FM Baguio.
Pamatuod raya it padayon nga pagtinguha it mga istasyon it Bombo Radyo ag Star FM nga maitib-ong ro kamayad sa pagbalita ag paghatod it serbisyo publiko sa bilog nga nasyon.
