Kalibo Aklan ——-Kapin sa 11 ka mga indibidwal ro ginrefer it Kalibo PNP sa council it Brgy. Poblacion, Kalibo para sa igaimponer nga penalidad kasunod sa andang pag-eabag sa pila ka mga polisiya ag sueondanan sa banwa it Kalibo kaangot sa pagsukoe sa COVID-19 pandemic.
Ro nasambitang mga indibidwal hay nag-eabag sa ginapatuman nga mandatory nga pagsuksok it facemask ag ro naga-iral nga curfew sa banwa.
Nasayuran nga ro bilog nga probinsya it Aklan hay nagapabilin sa Modified General Community Quarantine hasta sa Agosto 15.
Maskin nga ginhaeogaan ro Community Quarantine hay padayon gihapon ro padumdom it mga health authorities sa publiko nga magsunod sa minimum health standards nga ginapatuman it gobyerno agud nga malikawan ro makataeapon nga sakit.
