Kalibo Aklan ——Kapin sa 11 ka mga kumpirmadong miyembro it New People’s Army (NPA) ro nagbalik sa sabak it gobyerno.
Suno kay P/Capt. Grace Saldajeno, tagapaghambae it Antique Police Provincial Office, ro nasambit nga mga indibidwal hay nagsurender sa Culasi Municipal Police Station.
Raya hay pinaagi sa gintingob nga pwersa it PNP Intelligence Group ag Armed Forces of the Philippines.
Suno pa kay P/Capt. Saldajeno, kapin sa 38 anyos nga nagpabilin sa kabukiran ro grupo kon sa siin ro pinakabata kanda hay naga edad it 23 anyos ag ro pinakamagueang hay 55 anyos.
Posible suno kana nga nabudlayan eon sanda nga magpangabuhi sa kabukiran bangud nga uwa it kalinungan sa padayon man nga pagtugis kanda it mga kasoldaduhan it gobyerno.
Ginpaathag ni P/Capt. Saldajeno nga ro mga nagbalik sa sabak it gobyerno hay ginataw-an it prayoridad agud nga makaangkon it pangabuhi nga malinong kamana man libre ro mga raya nga makipagbahin sa andang tagsa ka pamilya sa patag.
Narekober sa mga raya ro 2 shot gun, sangka caliber 45 pistol, tatlo ka granada, 5 rifle grenade, 2 pcs 14mm ammus, 9 pcs and 12 shot shell, 1 mag for pistol 45 and 7 rounds caliber 45.
Samtang, ginpahayag mat-a ni Antique Governor Rhodora Cadiao nga inde dapat paghusgahan ro nasambit nga mga indibidwal bangud antes sigon nagsurender hay uwa ro mga raya nakatueog sa paino-ino kon anu ro matabo kanda pagkatapos nga mag-eantad sa publiko.
Gin-insister man kara sa mga kapulisan nga inde dapat pag-ipabugae nga matsa nadakpan sanda kundi sanda ro magiging ehemplo dapat sa iba pa nandang mga kaibahan sa ibabaw it kabukiran.
Ro nasambit nga mga indibidwal hay presenteng una sa kustudiya it Regional Intelligence Unit VI para sa nagakaigong disposisyon.
