Gin-aresto it mga awtoridad ro siyam nga dumueuong ag daywang Pilipino sa Mactan-Cebu International Airport bangud sa pagbitbit nag uwa gindeklara nga mabahoe nga haega it kwarta, antes ro May 2025 midterm elections.
Ginpahayag it tagapaghambae it PNP nga si Police Brigadier General Jean Fajardo sa sangka press conference nga ginhana nga sumakay it pribadong eroplano paadto it Maynila ro 11 suspek bandang alas-10:30 it gabie kat sanda hay masabat sa ginpatigayon nga inspeksyon it andang mga bagahe.
Ro mga suspek hay ginabilog it 7 Chinese, sangka Indonesian, sangaka Kazakhstani, ag daywang Pilipino.
Nadiskubre it mga awtoridad nga daywa sa pitong Chinese national hay may notice halin sa Interpol bangud sa pageabag sa Article 308 it Revised Penal Code ukon Pagpanakaw, nga may piyansa nga nagakahaega it ₱10,000.
Suno sa ginaptigayong imbentaryo it nasabat nga kwarta, umabot sa kabilugang haegang ₱441,922,542.37 ro narekober.// presenteng una sa kustodiya it General Aviation terminal ro nasambit nga kwarta. Ro mga naarestong suspek hay padayon man nga ginaimbestigahan para sa posibleng pagpasaka it nagakaigong kaso.
