Presenteng nagapasaidaeom sa pink zone ro 11 munisipalidad sa probinsya it Aklan sa kaso it ASF.
Suno kay Ivy Lachica, livestock inspector it Office of the Provincial Veterenarian (OPVET), nga may unang 11 munisipalidad ro sa idaeom it pink zone samtang 6 ro una sa red zone.
Sa pink zone ukon buffer zone, 6 kara hay naka-avail eon it sentineling program it Department of Agricultue kun sa siin may mga beneficiaries eon nga naka-avail it mga sentinel pigs, samtang ro tatlong munisipalidad hay nakatapos eon it 40-days observation period ag ro mga nabilin pang munisipalidad hay manugtapos eon makaron nga adlaw. Apang rong una sa red zone ukon mga infected areas hay presenteng uwa eon it nareport nga active cases ag sanda hay nagaproseso eon it andang mga dokumento para mag-upgrade sa pinkzone.
Dugang pa nana, uwa man nagakueang ro suplay it karneng baboy apang medjo mahae eang ro presyuhan kara nga ginabueubanta nga maabot sa 265-380 pesos ro liveweight samtang ro karne hay nagaabot sa 265-380 pesos. Paathag dugang ni Lachica nga ro mga nakatapos eon it observation period hay pwede eon nga mag-alaga it baboy.
