KALIBO, Aklan—Naka-isolate eon ro 11 nga miyembro it sangka pamilya matapos nga magpositibo sa covid-19 virus sa Barangay Sstancia, Kalibo.
Suno kay Punong Barangay Daisy Andrade it nasambit nga lugar nga matapos nga magguwa ro resulta it andang swab tests hay insigida sanda nga ginbo-oe sa andang baeay ag gindaea sa sangka hotel para sa 14 diyas nga mandatory quarantine period.
Puro asymptomatic sigon ro mga raya ukon owa it anuman nga sintomas nga nabatyagan.
Nasayuran nga kapin sa 20 nga ka miyembro it nasambit nga pamilya ro ginboe-an it specimen sample matapos nga makaangkon it close contact sa andang 80 anyos nga ina nga namatay sa covid infection.
11 kanda ro nagpositibo ag siyam ro nag negative.
Indi pa matumod kon siin nabo-oe it pasyente ro virus nga gindaea sa ospital matapos nga eagnaton.
Ginpaidaeumn man sa disinfection ro baeay it mga pasyente ag barangay hall.
Raya hay matapos nga sambilog sa 11 nga nagpositibo hay empleyado it barangay hall.
Apang sa mayad nga swerte suno kay kapitan Andrade hay owa naka-report ro nasambit nga empleyado sa opisina bangud nga holiday ko rato nga tiempo ag nakaangkon it long weekend.
Raya man ro rason suno kana nga normal gihapon ro andang operasyon.
