Napatay ro kapin sa 11 Palestinians kaeakip ro sangka pamatan-on sa nag-eontad nga raid sa Israel West Bank suno sa kumpirmasyon it Palestinian health ministry.
Masobra sa 80 Palestinians man ro nakaangkon it tama it baril sa gintawag it Israeli army nga “counter-terrorism” operation nga nagtuga it pagkabaeaka sa international community ag panawagan nga kumalma sa tunga it naga-eontad nga tensiyon.
Suno pa sa health ministry naga ro mga napatay bilang resulta it occupation agression sa Nablus hay sa tunga it edad 16 ag 72.
Ginkasubo ni top Palestinian official Hussein Al Sheikh ro nag-eontad nga incursion nga ginpaathag kara bilang “massacre” ag nag-apela para sa international it proteksiyon sa kandang mga pumueuyo
Nauna eon kara ro pagpatigayon it raid ko nagtaliwan nga adlaw it Miyerkules ro Israeli army kung siin sambilog sa wanted suspek nga nakatakas maghalin sa edipisyo hay na-neutralized kaibahan ro daywang iba pa nga nagpaeupok it baril sa nasambit nga propyidad.
Ginpahayag it Israeli army nga target it ginkasang raid ro mga militanteng suspek sa sangka hideout apartment nga gin-akusang una sa likod it pagpamaril sa West Bank
