KALIBO, AKLAN — Paga-usisaon it Department of Social Welfare and Development (DSWD) kon ro centenarian nga lola halin sa probinsya it Aklan ro pinakamagueang nga tawo sa makaron sa nasyon sa edad nga 117.
Suno kay Provincial Social Welfare officer Evangeline Gallega nga magatipon pa sanda it mga importanteng records it iba pang centenarians sa nasyon agud ma-recognized eon ro lola sa Aklan nga uwa anay paghingaeani ro pinakamagueang nga tawo makaron nga nagakabuhi sa Pilipinas.
Nasayuran nga pormal eon nga nabaton it 30 nagakabuhi nga centenarians sa Aklan ro andang P100,000 nga cash gift bilang pagkilaea sa andang mahabang kabuhi ag bulig sa nation building base sa Republic Act 10868 ukon mas kilaea sa tawag nga Centenarians Act of 2016.
Bangud sa edad nga 117 hay nakasakay eon sa wheelchair ro nasambitang lola.
