Nagpaidaeom eon sa evaluation ag assessment it 5-man advisory group ro mga senior officers it Philippine National Police bilang kaparte sa gihapon it mas hugot nga paglimpyo sa bilog nga linya it kapulisan.
Sa report it gintaeana nga tagapaghambae it nasambit nga komite nga si PNP-Public Information Office chief PCol. Redrico Maranan, raya hay matapos ro p ikaywang pagtipon it advisory group nga gintambungan nanday Baguio City Mayor Benjamin Magalong, former Defense secretary Gilbert Teodoro, Undersecretary Isagani Nerez ag PNP chief Gen. Rodolfo Azurin, Jr.
Naunang nagpaidaeom sa pag-imbestiga it komite ro may kabilugang 118 nga mga senior officers it Pambansang Pulisya gamit ro mga guidelines ag worksheets nga andang ginbilog para sa andang ginpatigayon nga evaluation ag assessment sa mga heneral ag koronel kara nga nagsumite it courtesy resignation.
Samtang, may una pa man sigon nga masobra 800 nga mga senior officers it PNP ro nakataeana pa nga igapaidaeom man sa evaluation sa masunod nga gapagahimuon nga pagpueong it 5-man advisory group.
