Sangka batang babayeng writer halin sa Saudi Arabia ro naging Guinness World Record holder matapos makumpirma nga imaw ro pinakabatang may-sueat it sangka book series.
Twelve years and 295 days old si Ritaj Hussain Alhazmi kat naberipika it Guinness ro anang titueo nga “World’s Youngest Person to Publish a Book Series”!.
Dag-on 2019 kat ma-publish ni Ritaj ro Treasure of the Lost Sea, ro unang libro sa anang book series.
Ro sequel kara nga Portal of the Hidden World hay ginpaguwa sa parehas nga dag-on.
Ro ikatlong libro sa series nga Beyond the Future World hay na-publish ko 2020.
Ro nasambit nga book series hay ginsueat ni Ritaj sa lengguwaheng Ingles.
Raya hay sangka adventure-fantasy novels nga angot sa magmaeanghod nga Natalya ag Jame nga nakadiskubre it mahiwagang manggad sa kaeawran.
Nag-umpisang magsueat si Ritaj kat imaw hay an-om nga dag-on pa eamang samtang nagabakasyon abroad.
Matapos pasidunggan it Guinness, ro sambilog sa gustong matabo ni Ritaj hay mapun-an nana ro kakueangan it mga pambatang nobela nga para sa mga kasing edad nana.
Nataeopangdan sigon nana nga sangkiri eon lang ro mga libro nga ro target nga magbasa hay una sa edad 9 hasta 12 anyos.
