Opisyal eon nga ginproklamar it Commission on Elections (Comelec) ag National Board of Canvassers ro 12 ka mga senador nga nagdaog ko nagtaliwan nga May 9 national and local election.// kaeabanan sa 12 ka mga senador hay re-electionist apang may una man nga mga newcomers.
Ro andang termino hay maga-umpisa it June 30 ag magatapos sa June 30, 2028.
Kaeakip sa mga senador nga magapungko sa senado hay sanday Robin Padilla; Loren Legarda; Raffy Tulfo; Sherwin Gatchalian; Chiz Escudero; Mark Villar; Alan Peter Cayetano; Juan Miguel Zubiri; Joel Villanueva; JV Ejercito; Risa Hontiveros, ag Jinggoy Estrada.
Ginpatigayon ro proklamasyon sa nasambit nga mga elected senators maskin nga uwa pa ro election returns maghalin sa Shanghai, China ag Lanao del Sur bangud nga inde eon sigon raya makaapekto sa boto nga naangkon it mga nakasueod sa Magic 12.
