KALIBO, Aklan—Nakalista ro Aklan Provincial Epidemiological and Surveillance Unit it 12 nga panibag-ong kaso it Coronavirus Disease 2019 ukon COVID-19 halin sa 89 kabilugang swab samples nga ginpatigayun ko Oktobre 9.
Halin sa nasambit nga numero 77 ro nagnegatibo kung siin nagresulta eamang raya it 13 porsyento nga positivity rate.
Sa kabilugan, naga-abot eon sa 12,561 ro tinamaan it COVID-19 sa bilog nga probinsya umpisa nga magtuhaw ro pandemya.
Sa pihak kara, 13 man ro nadugang sa numero it mga nagmayad rason nga sumaka eon sa 12,168 ro total recoveries.
Samtang, nagapabilin sa 317 ro namatay matapos dapuan it virus.
Sa makaron, 76 pa ro nabilin nga aktibong kaso it sakit nga ginakaeakipan it 61 nga naka-facility quarantine, an-om nga naka-home quarantine ag siyam nga admitted sa ospital.
Angot kara, maskin nga padayun ro pagnaba it nailistang kaso it virus padayun gihapon ro pag-engganyo it health authorities sa publiko nga magsunod sa health and safety protocols.
