-- ADVERTISEMENT --
Gaabot sa 12 katawo ro namatay ag 54 iba pa ro ninahan sa nagtuhaw nga wildfire sa northeastern Algeria.
Suno kay Minister of Interior Said Sayoud nga ro mga namatay hay halin sa probinsiya it Jijel, Bejala ag Tizi Ouzou.
Ginbisita man kara ro mga pabueungan kun siin gindaea ro mga biktima.
Gaabot sa 154 nga mga fire outbreaks ro nalista sa nagkaeain-eain nga parte it nasambitan nga nasyon.
Nag-umpisa ro sunog bangud sa grabe nga heatwave nga naeeksperyensyahan sa bilog nga Algeria ag Tunisia.
-- ADVERTISEMENT --
Pilang libong residente man ro ginpabakwit sa andang mga baeay bangud sa nasambit nga insidente.
Ginsigurado man it gobyerno it Algeria nga andang pagataw-an it bulig ro mga nasunugan.
