12 sa 17 turistang Chinese, naninahan sa pagkueob it ginasakyan nga baroto sa Boracay

KALIBO, Akla — Una eon sa maayos nga kondisyon ro 17 nga turistang Chinese nga sakay it nagkueob nga baroto sa kaeawran nga sakop it  Bolabog Beach sa isla it Boracay.

Base sa report it Malay Municipal Disaster Risk Reduction and Management Office (MDRRMO),  insigida nga nasalbar ro mga turista matapos nga kumueob ro ginasakyan ga  baroto nga may pangaean nga  MBCA LMJ III kat banggaan it sambilog pang baroto.

Gindaea it mga rescuers ro mga dumueuong  nga turista  sa  Ciriaco Tirol Memorial Hospital sa isla.

Kapin sa 12 sa mga raya ro nag-angkon it minor injuries.

Ginasugid nga  natabu ro  insidente samtang nga nagapatigayon it  island hopping ro mga turista.