Ginpahayag it Philippine National Police (PNP) nga may pilang e-sabong sites sa gihapon ro padayon ro andang operasyon apisar nga ginpasara eon da it gobyerno.
Suno kay Lt. Michelle Sabino, ro lider it PNP Anti-Cybercrime Group (ACG) public information office, nga kapin sa 12 pang website it e-sabong nga pwedeng tayaan it mga bettors gamit ro cryptocurrency ro andang natumod.
Kapin sa napueo kara hay sa ibanng nasyon ag bukon it rehistrado sa Pilipinas samtang ro daywa kara hay natumod nga iya sa sueod it nasyon.
Dugang pa ni Sabino nga ro mga nasambit nga website hay ginapromote pamaagi sa Facebook page nga nasayuran man it mga pulisya nga may kaangtanan sa mga e-sabong operators.
Para sigon makaparehistro sa mga app it e-sabong hay kinahangean anay magdeposit it Php100 ro indibidwal nga gusto mag gamit kara.
Samtang, sa makaron owa pa nakilaea it mga awtoridad ro mga administrator nga sa likod it mga website.
