SPORTS News — Nagamit it Los Angeles Lakers ro homecourt advantage sa unang round it Western Conference playoffs matapos nandang pyerdihon ro Phoenix Suns sa iskor nga 101–73.
Ginpangunahan ni LeBron James ro pagdaog matapos makalista it 28 puntos ag 12 assists, rason agud nga opisyal imaw nga maging ika ap-at nga manughampang sa kasaysayan it NBA nga umabot sa 12,000 career assists.
Nabuoe ni James ro makasaysayang ika‑12,000 assist sa unang quarter sa pinaagi it sangka long chest pass kay Deandre Ayton.
Sa pagtapos it hampang, umabot eon sa 12,010 ro kabilugang assists ni James, nga nagapang ap-at sa listahan sa likod nanday John Stockton nga 15,806 assists, Chris Paul nga nagaabot sa 12,552 assists ag Jason Kidd nga may kapin sa 12,091 assists.
Bangud sa kadaeag-an, nagsaka ro kartada it Lakers sa 52–29, bastante agud masigurong inde sanda magnaba sa ika ap-at nga puwesto sa standings.
May kahigayunan pa sandang agawon ro ikatlong puwesto halin sa Denver Nuggets sa andang ulihing hampang bangud sa ginabuytan it Los Angeles ro tiebreaker edge.
Mabahoe nga bulig man sa pagdaog ro 19 puntos ni Luke Kennard, samtang nagdugang sanday Rui Hachimura ag Ayton it tig‑13 ag 10 puntos.
Umabot pa sa 29 puntos ro abante it Los Angeles sa fourth quarter.
