KALIBO, Aklan—Kapin sa 124 nga mga accredited famers associations ro nataw-an it mga farm machineries it Office of the Provincial Agriculturist.
Suno kay Engr. Alexis Apolonio it office of the Provincial Agriculturist, ro mga makinarya hay gintao sa 17 nga kabanwahanan it probinsya it Aklan agud nga makabulig sa pagpanguma ukon paeangitan-an it mga local farmers sa tunga it COVID-19 pandemic.
Ro nasambit nga makinarya hay nagakahaeaga it 18.5 million pesos.
Kaibahan sa mga nakabaton hay ro sector it Rice, Corn ag Vegetable farmers.
Gin-insister man kara nga padayun ro andang pagbulig sa sector agud nga padayun rayang makaangkon it bastante nga ani ag produkto.
Ginaeauman man it taeatapan nga pinaagi sa bulig it makinarya hay magataas pa ro ani it mga mangunguma.
Nasayuran nga sambilog ro sector it mga mangunguma nga apektado it pandemya rason nga ginataw-an raya it igtueopangod it Department of Agriculture.
