KALIBO, Aklan—Kapin sa 13 ka mga libro nga ginapatihang nagapataeang sa mga pamatan-on ro nakumpiska it mga otoridad sa Aklan State of University ukon ASU- Banga campus.
Suno kay Aklan Provincial Director PCol. Ramir Perlito Perlas nga ro mga nasambitan nga libro hay ginsueat mismo ni Joma Sison rong founder it CPP-NPA.
Nakabaehag man sigon sa nasambitan nga libro ro pag-engganyo it New People’s Army ukon NPA sa mga estudyante nga suportahan ro andang kampo.
Nasayuran nga sa 13 ka mga libro, 12 kara hay gindonar it National demorcratic Front (NDF) samtang ro sambilog man hay ginbakae mismo it nasambit nga eskuwelahan.
Sa makarun hay nagadapayun ro monitoring it mga otoridad sa pilang ka mga colleges ag public libraries sa bilog nga probinsiya it Aklan.
Engkasong may makit-an sigon sandang libro nga ro konsepto hay puro pagpataeang, anda rayang igakumpiska pamaagi sa nagakaigong koordinasyon sa mga eskuwelahan.
Ro nasamibtan nga tikang sigon hay sandig sa mandato it National Task Force to End Local Communist Armed Conflict (NTF-ELCAC).
