Kumpirmadong namatay ro una sa 13 katawo matapos ro mabaskog nga pagsabog sa pinakamabahoe nga pasilidad it liquefied natural gas (LNG) nga Ras Laffan industrial zone sa Doha, Qatar.
Suno kay Qatari Energy Minister Saad Sherida al-Kaabi, ro mga biktima sa pagsabog hay halin sa India ag Pakistan.
Nagpaabot nab it taus-pusong pakikisimpatya ro Embahada it India sa Doha sa mga naaywanang pamilya it mga namatay sa pagsabog ag ginsigurado ro pag-tao it tanan nga kinahangeang bulig sa mga raya pati eon man sa mga naninahan.
Sa makaron, padayon ro pag-hueag it imbestigasyon sa rason it pagsabog, sa pihak nga nauna eon nga nareport nga nag-eksperyensya it “technical accident” ro Barzan local gas supply facility samtang gina-umpisahan pa eamang ro operasyon kara, matapos mapundo ku Marso bangud sa maeapnagon nga kahalitan nga naangkon kara halin sa ku kan-o eamang nga giyera sa Middle East.
