13 katawo namatay sa airstrike it Israel sa Lebanon

Nagaabot sa 13 katawo ro namatay sa airstrikes it Israel sa Lebanon.

Suno sa Lebanese health ministry, kaibahan sa mga namatay ro ap-at nga babaye ag sangka onga.

Daywang ka babaye ag sangka onga ro kaibahan sa waeong namatay sa Haboush sa Nabatieh district.

Samtang, ap-at nga katawo mat-a ro namatay sa Zrarieh sa Sidon district.

Uwa nagpundo ro engkwentro sa tunga it Hezbollah ag Israel maskin nga may tatlong dominggong ginpaeawig nga ceasefire.

Ro inisyal nga 10-adlaw nga ceasefire hay gin-anunsiyo ko Abril 16 matapos ro pag-istorya it mga ambassadors it Lebanon ag Israel sa Washington.