NATIONAL News — Ginkumpirma it Office of Civil Defense (OCD) nga 13 nga katawo ro na-report nga napatay bangud sa impact it Tropical Storm Enteng.
Suno kay OCD spokesperson Edgar Posadas, waeo sa mga napatay hay na-report sa Rizal, tatlo sa Bicol, ag daywa sa Cebu province.
“Meron pong dalawa sa Cebu. Ito po yung nabagsakan ng pader tapos yung isa pong pader na nakakabit sa bahay. Meron din tayong kinukumpirma, bina-validate together with our regional office of Bicol. Tatlo po yun. Meron din po dito sa Calabarzon, particularly sa Rizal po, walo po ang kinukumpirma natin diyan. Karamihan po yung sa Antipolo po,” ro pahayag ni Posadas.
Suno pa kay Posadas, gina-verify pa it OCD ro nasambit nga mga reports.
Samtang, ginpahayag man it opisyal nga 10 nga mga indibidwal ro napabalita nga naninahan sa Cebu bangud sa bagyo.
Sa makaron hay masobra eon sa 24,000 nga katawo ukon masobra 6,000 nga pamilya ro apektado it Enteng sa Bicol, ag sa Central ag Eastern Visayas regions suno sa OCD.
An-um man nga mga lugar ro ginpaidaeum sa Tropical Cyclone Wind Signal (TCWS) No. 2 samtang padayon nga nagahueag ro bagyo Enteng paagto sa West Philippine Sea makaron nga adlaw it Martes, September 2.
Ulihi nga naispatan ro bagyo sa ibabaw it kaeawran it Laoag City, Ilocos Norte, ag nagahueag sa west northwestward sa 20 kilometers per hour nga nagadaea it maximum sustained winds nga 75 kph maeapit sa sentro ag pagbugso nga 115 kph.
Ginaeauman nga magaguwa ro bagyong Enteng sa Philippine area of responsibility sa Myerkules it agahon, September 4.
