Kalibo Aklan ——–Magabaton it 136 ka mga bag-o nga bumbero ro bilog nga Rehiyon-VI.
Suno sa ginpaguwa nga Memorandum it andang organisasyon nga nagakinhangean it 136 ka mga bakante nga posisyon para sa Hiring ag Selection it Fire Officer 1.
Kinahangean eamang it mga aplikante nga magproseso it mga requirements para sa nasambit nga posisyon.
Pila sa nagapanguna nga kinahangeanon hay ro mga masunod; nakapagtapos it 4-year course, may una nga eligibility (CSC, PRC, MARINA), sueod sa minimum height requirement, atleast 5’2” sa eaeaki nga aplikante, samtang 5’ sa babayi nga aplikante ag magbo-oe it generated QR code pinaagi sa pagbisita sa andang portal nga http://bfp-ers.online/.
Kinahangean man nga mag-adto sa pinakamaeapit nga fire station sa andang lugar agud magiyahan it mga katapo it bumbero sa mga dugang pa nga mga dokumento nga kinahangean i-comply it sangka aplikante.
Ginataw-an it hasta sa Abril 22 makarun nga dag-on ro mga aplikante agud nga makapagsumite it andang kumpleto nga mga dokumento.
Ginklaro man it BFP nga owa it bayad ro pag-apply sa andang organisasyon ag owa it dapat nga kahadlukan ro mga aplikante sa pagka-bumbero sa andang training.
