Kalibo Aklan ———–Uman nga nagpadumdom ro Department of Labor and Employment (DOLE) sa mga employer nga indi pagkalipatan nga itao sa mga trabahador ro andang 13th – month pay.
Suno kay DOLE-Aklan Head Joselito De La Banda nga nagakadapat eamang nga maitao ro 13th month pay sa mga empleyado antes mag-abot ro petsa 25 it Disyembre.
Dugang pa kara nga kaibahan sa mga makabatun it andang 13th month pay hay ro mga kabulig sa baeay ag ro mga driver.
Nasayuran nga sa idaeum it Presidential Decree 851, tanan nga mga employer hay dapat nga magtao it 13th month pay sa andang mga empleyado.
Samtang, gina-engganyo man it DOLE-Aklan ro mga empleyado nga may gustong ipaabot nga reklamo ukon engkasong magkaproblema sa andang employer nga magdangop eamang sa andang taeatapan agud nga ma-asistiran sa andang nagakadapat nga himuon.
